7 De Arenula et [250] Caccavari [251]
De Arenula et Caccavari [252], septima regione urbis - circa quam sciendum est quod huiusmodi regio ideo nuncupatur Arenula a parva arena, id est parvo solo arenoso, propter vicinitatem quam habet cum Tiberi Romano.
7, 2 Caccavari profertur hodie a Romanis corrupto dyomate, quia Caccavari regio proprie de ea loquendo debet dici Cacervari, et non Caccavari, a capite cervi aureo ibi reperto, delato, ut puto, ibidem alluvione Tiberis de partibus remotis ex ruinis alicuius civitatis; et propterea incole regionis eiusdem in ipsorum vexillo ab huiusmodi felici augurio deferunt signum capitis cervi deaurati [253].
