12 De Ripa et Marmorata [283]
De Ripa et Marmorata [284], duodecima regione urbis, dicendum est quod regio Ripe denominatur a ripa Tyberis ipsi regioni contigui.
12, 2 Secunda pars alia huiusmodi regionis dicitur Marmorata [285] a molendinis ratium, id est navium, in quibus stant huiusmodi molendina; et in eisdem blada teruntur et alie species frumentorum, et propterea incole dicte regionis in ipsorum vexillis deferunt signum rotarum albarum, quarum impetu et volubilitate vertices molendinorum huiusmodi vertunt lapides molarum earundem ratium aquarum cursibus ac crebris inpulsibus fluvii supra dicti [286].
