11 De Sancto Angelo
De Sancto Angelo, undecima regione urbis, ubi olim fuit templum Severianum, a Severo [279] tunc urbis senatore conditum - a severitate Severum nuncupatum nam severus satis verus qui tenet sine pietate iustitiam [280] - et in eadem regione adhuc manet hodie quedam progenies que dicitur Severinorum, quam, ut puto, a dicto Boetio originem traxit et nomen [281].
11, 2 Sed postea in honorem et reverentiam Michaelis archangeli fuit ibidem consecrata ecclesia que dicitur Sanctus Angelus, in cuius ecclesie adrio est hodie forum piscium, et ideo incole regionis eiusdem pro signo ipsorum deferunt in vexillo piscem album in campo rubeo, a foro piscium a Romanis hodie vulgariter nuncupatum [282].
