14 De Evandro septimo urbis conditore
Deinceps Evander [29] rex ab urbe Archadie cum mediocri turba popularium suorum Romam veniens permissione Fauni tunc ea loca tenentis - qui benigne Evandro agros et montem assignavit, quem postea Evander Palatium appellavit, in cuius radicibus ipse Evander templum deo Licheo constituit, quem Greci Pan, Romani Lupercal [30] dicunt, secundum Trogum libro XLIII [31] [Iust. 43, 1, 6-7].
14, 2 Et in eodem domos et palatia quam plurima ad inhabitandum cum populo atque turba predictis miro modo hedificavit. Et dicitur Pallas [32], secundum quod fabule ferunt, dea sapientie, a virtute et sapientia, que propter delectationem et tedia repellenda melodias moderatas adinvenit et cantilenas [33]; unde Virgilius, ibi: Tunc rex Evander Romane conditor archis [Verg. Aen. 8, 313].
14, 3 Sed Seneca libro De consolatione filii ad Elbiam ยง Omnes [Sen. dial. 12, 7, 5], ibi: Quid interest Evandrum in ripam Tiberis regna Archadum collocantem? [Sen. dial. 12, 7, 6]
