24. De porta Libera
Porta Libera ea ratione dicitur quia ingredientes per eam ex servis efficiebantur liberi, quia magistratus populi Romani invenientes dominos servorum suorum bene meritorum ibidem postulabant ab eis manumitti servos suos. Ipsi huiusmodi servos virga percutiebant in tergis dicentes: "Agimus vos liberos" et hii taliter virga percussi voluntate dominorum suorum ex servis liberi, id est iusta causa manumissi erant.
24, 2 Et huiusmodi porta est sita inter portam Capenam seu Trigeminam et portam Appiam, sed quia hodie cessaverunt tales manumissiones, idcirco ratione predicta porta huiusmodi noscitur esse clausa, prout aspectu publico patet aperte.
